صوتك غالي علينا كتير بس للأسف سعرو محدد لبعض المرشحين.
من 200$ للألف دولار، وصل سعر الصوت بشمال لبنان.
فضائح بالجملة وتوقيفات بالجرم المشهود بمناطق مختلفة.
فيديوهات وتسجيلات تم تسريبها عبر وسائل التواصل بتبيّن الديل كيف عم يصير.
200$ الك و200$ لجوزك وبتعيطنا تذاكركن، لا مين شاف ولا مين دري.
الكل طلع دريان وحظ بعض الراشيين والمرتشين طلع قليل.
15 رشوة تم ضبطها وتوقيف الفاعلين بانتخابات الشمال فهل معقول تكشف التحقيقات معن أرقام المبالغ المدفوعة بالمناطق؟ وهل معقول يتم تعليق نتايج بعض المناطق يلي ضُبطت فيا الرشوة؟
قدامنا بعد اسبوعان على انتهاء الانتخابات بكافة الاقضية، هل تحرك أمن الدولة والجهات الأخرى وضبطن للرشاوى رح يمنع باقي المناطق من ارتكاب الجرم نفسو خوفا من الفضيحة والمحاسبة أو رح تضل سبحة شراء الأصوات مستمرة
