أعربت الفنانة المصرية شيرين عبد الوهاب، عن سعادتها الكبيرة بنجاح حفلها على مسرح “بنش مارك”، ضمن فعاليات موسم جدة 2023، والذي أقيم مساء الأحد.
وتفاعلت شيرين مع جمهورها خلال الحفل قائلة: “الواحد النهاردة لازم يروح يصلي ويركع قدام ربنا للجمال والشكر والاحترام، هسجد له ألف سجدة، حبكم ميتعوضش بكنوز الدنيا كلها، إنتوا أحلى حاجة فيها”.
وأصافت: “شكرًا يا أهل الكرم والمملكة العربية السعودية مفيش زيها”.
كما وجهت الفنانة المصرية الشكر خلال حفلها بجدة، لهيئة الترفيه بالمملكة العربية السعودية برئاسة المستشار تركي آل الشيخ، قائلة: “أنا أكيد عايزة أشكر هيئة الترفيه لأنها عيّشتنا أحلى أيام حياتنا مع جمهورنا الغالي، وبشكر شركة روتانا المنظمة للحفلة، وعايزة أشكركم إنتوا كمان”.
وقدمت شيرين عبد الوهاب خلال الحفل كوكبة من أشهر أغانيها وسط تفاعل كبير من الجمهور، ومنها: “مشاعر، تاج راسك، على بالي، متير بنعشق، خليتني أخاف، بياعين الصبر، متاخدة من الأيام، جرح تاني، وأغنية طول عمري بخاف من الحب لأم كلثوم”.
مدير أعمال شيرين يُعلن انفصاله عنها
في غضون ذلك؛ فاجأ إيهاب صالح، مدير أعمال شيرين، الجمهور بانفصاله عنها بعد الحفل، مشيرا إلى أنهما فضلا ألا يؤثر العمل على صداقتهما، لذلك قرر ترك إدارة أعمالها.
وكتب إيهاب صالح تغريدة، عبر حسابه الشخصي بـ”تويتر” قائلا: “جمهور شيرين العظيم الحمد لله على نجاح حفل جدة كما كان متوقع، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدًا على كم الدعم الرهيب في خلال الفترة أللى فاتت ليها في المقام الاول، وطبعا بعد كدة ليا.”
وأضاف: “قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين ولينا اسبابنا، مبروك وشكرا يا شيري من كل قلبي ويا رب اكون كنت على قد وعدي وكلمتي ليكي، أني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الالبوم على أبواب، ومتأكد إنه هينجح نجاح غير عادي”.
وتابع: “فرحان بشكل ملوش وصف بنجاحك، ورجوعك بالقوي دي وده إللي اتعودنا علية منك طول السنين دي، أنا كدة كدة دايما موجود زي مانتي عارفة، وربنا يديم كل أللى بينا على خير وأسف لو في أي لحظة كنت قصرت معاكي باي شكل، أحب اشكر كمان جمهورك اكيد إللي مشوفتش منوا غير كل خير وحب، شكرا بجد من كل قلبي، طبعا وأكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم بشيرين، ومقدر قيمتك وتقديرك بشكل يليق بيكي صوت إحساس العرب وده مش غريب عليه، ودايما في ضهر كل الفنانين العرب كدة كدة، دي شهادة حق لازم تتقال.
واختتم إيهاب صالح: ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين، وادعمهم دايما بأي شكل أكيد عشان تفضلي دايما على القمة.
