كتب جاد داغر على صفحته: “النواب يلي ما بسمّوا اي شخص لرئاسة الحكومة هني اسوأ انواع النواب. الفاشلين، المتقاعسين. يلي ما عندهم حتى القدرة على ايجاد شخصيّة وحدة من الطائفة السنية لرئاسة السلطة التنفيذية بأخطر انهيار بتاريخنا. الوقحين يلي بعدهم عم يلعبوا سياسة والناس عم بتموت على بواب المستشفيات. هؤلاء هم أسوأ انواع النوّاب. يلي تاركين الساحة فاضية امام يلي عم بسمّوا. امام يلي سرقونا ونهبونا. هؤلاء هم أسوأ الانواع. السلطة غير معلنة. احصنة طروادة السلطة المعلنة. يلي شغلتهم يأمنوا نصاب لاقرار موازنات فاسدة. ويصوتوا بعشرات الاوراق البيضاء امام مرشّحي الفساد. هؤلاء هم الاسوأ. النواب يلي اخذوا اصوات عشرات الالاف من المواطنين وحرموهم انه يكون عندهم رأي بأهم القرارات. السفلة الوقحين. يلي بيقبضوا معاشات للتعطيل. جماعة التمثيل والشعارات الفارغة والاتفاقيات من تحن الطاولة. جماعة يلي بيتلقّوا الاوامر من الخارج. الخارج يلي هو افسد منهم. نحن من زمان كاشفينكم كلكم”.
