بعد حادث السير المروّع الذي تعرّضت له الممثلة ريتا حرب ومدرّبها في التمثيل بوب مكرزل في مدينة اسطنبول التركية منذ أسبوع، طمأن الأخير متابعيه ومحبي حرب على صحتهما.
ونشر الصورة الأولى بعد الحادث والتي لم يظهِر فيها إلا يده ويدها. وعلّق عليها بالقول: “تجربة قطعناها سوا، وقمنا منها بسلامة ووعدنا حالنا وبعضنا وعد، انو نرجع نقوم ونمشي لو شو ما صار، وأسرع وقت.
وأضاف: “علاقتي فيكي قبل الحادث كانت شي، وهلّق صارت شي تاني بحبك كتير وحبيت قدي انت قوية وارادتك للحياة قوية. ويلا… نرجع عل تصوير باقرب وقت”.
وتابع مكرزل: “في امور بتصير معنا بتغيرلنا نظرتنا للحياة لو بتفاصيل زغيرة وهيدا الحادث علّمني كتير وغيرلي نظرتي لكتير امور، اول مرة قدرت اقعد على الكرسي قلت كتر خير الله وانبسطت اني قعدت و بعدها صفنت قدي كنت اقعد وقوم بنهار الواحد وما كنت عارف يلي عم اعملو قبل هل قد مهم الحمدالله قطعت
على خير و يلا new adventures”. وختم رسالته الى متابعيه: “شكرا لكل حدن اطمن علي وخاف علي، شكرا على صلاواتكن لوصلتلي وحميتني وبقلكن انو عم حاول رد على الكل بس لهلق ما لحقت افتح كل شي وايام عم كون تعبان ما بقدر رد بس رح ضل جرب خلص كل مسج والكول”.
