كشفت المطربة المصرية شيرين عبدالوهاب تفاصيل خلافها مع مواطنتها الممثلة منّة شلبي.

 

وقالت خلال استضافتها في برنامج “صاحبة السعادة” من تقديم الفنانة إسعاد يونس على شاشة قناة dmc: “منة كانت عاملة حجز عشاني في منتجع، عشان أسافر أعمل ديتوكس وأخس”.

 

وأضافت: “يوم سفري كنت مع كريم عبد العزيز وقاعدين نهزر، وطبعا هو صاحبي جدا وجاري، وبنروح نسهر معاه في بيت مراته وولاده”.

 

وأوضحت: “كريم كان مش عايزني أسافر وخايف عليا، ومنة على التليفون بتقول والله إنت مش نافعة، ومش هكلمك تاني لو الطيارة فاتتك”.

 

وتابعت: “فعلاً اكتشفت إني مسافرة مع باسبور مافيش عليه فيزا، والطيارة فاتت ورجعت لكريم أكمل السهرة، مع إني كنت دافعة مبلغ كبير. كريم زعل منها شوية، وقال لها ليه بتعملي كده، إحنا ما بنصدق نشوفها، وبهدلتنا إحنا الاثنين”.