توجّهت الفنانة إليسا برسالة شكر إلى الفنانة بلقيس التي حلّت ضيفة على برنامج “عَ غير كوكب” على شاشة mtv. وجاءت هذه الرسالة بعدما تحدّثت بلقيس عن لبنان وإليسا بوجه خاص بكل محبة واحترام وإيجابية.

 

وقالت بلقيس: “شهادتي بإليسا مجروحة. هيي فنانة كتير كبيرة. وكمان الرسائل اللي قدّمتها بأغنياتها رسائل بتأثر كتير بالمرأة. إليسا أذكى وأنجح فنانة موجودة في الوطن العربي. مش بس صاحبة أرقام. صاحبة حضور وصاحبة اختيارات من بدء مسيرتها الفنية ولهلأ. كتير بقدّر هالإنسانة وكتير بحترمها وكتير بحترم قدّيشها قوية واللي بقلبها على لسانها”.

 

وتلقّت بلقيس ردّاً من إليسا التي غرّدت على “تويتر” قائلة لها: “بشكرك على اللي حكيتيه عن لبنان أول شي، وعني. صحيح نحنا مش أصدقاء، بس اكتشفت الليلة روحك الحلوة. وأنا مني وعليي بلشت صداقتنا الافتراضية بفولو!”.

 

أما بلقيس، فردّت على تغريدة إليسا بهذه الكلمات: “صداقة العمر يا رب حبيبتي شكرا لمتابعتك وكتير باتشرف فيكي”.