كشفت الفنانة المصرية دينا الشربيني أنها تعيش قصة حب جديد في حياتها، بالإضافة إلى حديثها عن حياتها العاطفية في أوقات سابقة.
وقالت خلال حلولها ضيفة برنامج “يلا نحكي” من تقديم الإعلامية جومانا بو عيد: ” أنا محبتش كتير، ولما بحب بحب أوي، وممكن أحب شخص من أول نظرة، ومقدرش أحب واحد تقيل الدم لازم يكون لذيذ دي مهمة جداً، بحب الرجالة اللي دمهم خفيف وتقال”.
وأضافت عن علاقاتها السابقة: “مفيش حد هتبقي بتحبيه هتنسيه بسهولة علشان فيه عشرة وحاجات كتير، ولكن لازم كل حد يبقى في حاجة يعرف إن الحاجة دي ممكن تخلص ولو خلصت يبقى ده الأحسن علشان ربنا شايل له الأحسن، وأنا عندي الحمد لله حاجة كويسة وهي فكرة الرضا والتأقلم، يعني أنا هقاتل علشان حاجة أنا هقدر أعملها، ولكن مش هقاتل على حاجة خلاص مش هتنفع”.
وأكّدت أنها تحظى بحب جديد، مضيفةً: “أنا بحب إحساس الحب جداً، ودايماً بقول إن الحب مش معناه حب بين واحد وواحدة أو واحد ومراته، الحب عموماً بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي”.
