“كل أهداف الحرب رح تتحقق، ووج الشرق الأوسط رح يتغير”، هيك صرّح رئيس الوزراء الإسرائيلي بنيامين نتنياهو بظلّ التصعيد المستمر بالمنطقة. وشدد على أن إسرائيل “هزمت محور الشر بغزة ولبنان وسوريا”، واتوعّد بـ”معالجة التهديد الإيراني” وأكد أنو الرد على الحوثيين رح يكون قاسي.
هالتصريحات اجت وسط توتر متزايد على الحدود اللبنانية – الإسرائيلية. المواجهات اليومية مستمرة وخصوصا أنو الحزب عم يعلن أنو مش ناووي يسلّم سلاحو ويخفف من حدة خطابو. فالرد على اعلان الأمين العام لحزب الله نعيم قاسم رفض تسليم السلاح اجا سريعا يوم عيد القيامة من رئيسي الجمهورية والحكومة: قرارَ حصر السلاح رح ننفذه.
أما بالجنوب، فقائد الجيش رودولف هيكل أصرّ على تقديم واجب العزاء بشهداء الجيش بالرغم من الأوضاع الصعبة وشدّد على دور الجيش بحماية الوطن وانو معنويات الجيش ما رح تهتز.
وما بدنا ننسى احباط الجيش لعملية جديدة لاطلاق الصواريخ نحو إسرائيل من جنوب لبنان.
يعني شو ما تحاولو تعملو، الجيش بالمرصاد وما رح يخليكن اتجروا البلد عن جديد للحرب فخلينا نلتزم بالكامل بيلي علينا بالاتفاق يلي انتو استسلمتو ووقعتو عليه بدل ما تحاولوا تجروا الدولة والشعب على حرب كارثية عالجميع
