نفى الممثل حسن الرداد، زوج الفنانة إيمي سمير غانم، ما تردد عبر مواقع التواصل الاجتماعي عن وفاة حماته الفنانة دلال عبد العزيز، وقيام بعض المواقع الإلكترونية بنشر خبر وفاتها دون تحري الدقة، مما أثار غضب عدد كبير من الفنانين ومحبي الفنانة الكبيرة .
ونشر الرداد عبر حسابه على إنستغرام صورة لحماته، وعلق مهاجماً مروجي الشائعة: “بالنسبة للمواقع الصفراء الرخيصة اللى كتبت اخبار غير صحيحة عن حماتي دلال عبدالعزيز، يا ريت تحترموا نفسكم شوية. اللي بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة“.
وأضاف:“ احنا بقالنا شهور في المستشفى وكلنا متواجدين مع حماتي وقاعدين قدامها 24 ساعة رامي وإيمي ودنيا وانا وفجأة يجيلنا سيل مكالمات ورسائل من كل اهلنا وحبايبنا بيطمنوا“.
وأكمل: “حقيقي عايز اسال اللي كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟، مش هقولك يا ريت يحصل فيك نفس الموقف عشان تعرف المصيبة اللي انت عملتها بس حقول لك حسبي الله ونعم الوكيل”.
